Ovdal dán jagáš loddema de ávžžuhii Sámi Bivdo- ja Meahcástansearvi (SBMS) suohkana bissehit loddeortnega go ii leat vuoiggalaš ovtta dahje guokte lotti dušše beassat báhčit. Dan ii čuovvolan suohkanstivra.
Ovdal dán jagáš loddema de ávžžuhii Sámi Bivdo- ja Meahcástansearvi (SBMS) suohkana bissehit loddeortnega go ii leat vuoiggalaš ovtta dahje guokte lotti dušše beassat báhčit. Dan ii čuovvolan suohkanstivra.
Mannan giđa ávžžuhii Sámi Bivdo- ja meahcástansearvi (SBMS) Guovdageainnu suohkana heaittihit loddenortnega.
Sii oaivvildit ahte dat ii leat sámi árbevieruid mielde go ii beasa eambbo ovtta dahje guokte lotti báhčit, ja maid go eai leat mielde buot árbevirolaš báikkit gos leat lodden. Dasa ii miehtan suohkanstivra.
– Ii dáhttu
Guovdageainnu sátnejođiheaddji, Johan Vasara, lohká iežas de fertet doahttalit suohkanstivrra dan áššis.
– Ii lean ovttage bellodagas dáhttu heaittihit dálá ortnega, mun ferten dan vuhtii váldit, ja lean ovttaoaivilis earret eará Dáloniid listtu áirasiin áššis, lohká Vasara.
Coakci
Dáloniid listtu áirras, Hans Isak Olsen, dajai sárdnestuolus ahte Guovdageainnu suohkan ii berre heaittihit ortnega go dál lea veahá coakci sis go leat ožžon dohkkehuvvot ortnega.
Vasaras lea plána.
– Mii fertet baicca politihkket dán ášši ja geahččalit rievdadusaid oažžut. oainnán maid ahte mii eat ovdán dáinna áššiin riikka siste, ja fertet internašunála veahki oažžut, lohká son.
