– Huff, lei váttis

1. Gos lea Suoma Sámerádio doaibmabáiki?

– Anáris. Riekta!

2. Guđe jagi ledje Guovdageainnu stuimmit?

a) 1852

á) 1761

b) 1751

– A, 1852, vástida Bals jođánit. Riekta!

3. Joatkke dálkediidda: «Jus baján čeargugoahtá oarjjil ja manná nuorttas guvlui…»

– De firte, in mun dieđe, boagusta Bals. Boastut!

Rievttes vástádus: «…dalle šaddet čoaska dálkkit.»

Go Bals ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá faske 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Bals vállje rukses ivnni, ja mii jearrat sus dán árvalusa:

Dat čáhká sáhpánbossii, muhto gusa hiŋgalis ii čága gal jorgalit. Mii lea dat?

– Suoivvanas? Ii dat gal dieđus leat. Huff, lei váttis. Áibmu, vástidan son. Boastut!

Rievttes vástádus: Soabbi

Galle čuoggá oktiibuot: 2 čuoggá

Juohke gilvaleaddji beassá hástalit ođđa gilvaleaddji Ávvira geassegilvui.

Joret Mihkkal Bals hástala Mikkel Rasmus Logje searvat gilvui.