Janne Eilen Mienna Guttorm searvá Sámi Grand Prixii “Hervejuvvon Máilbmi” lávlagiin, ja lohka iežas hirpmástuhtti stáđis ovdal finála.
Janne Eilen Mienna Guttorm ii leat cužžon lávddi alde gávcci jahkai, dan rájes go maŋemus lei mielde Sámi Grand Prixas. Son lohka iežas hirpmástuhtti stáđisin ovdalaš finála.
— In sáhte vuordit maidege, muhto lea bures mannán hárjehallamis. Mun lean gullán hárjehallamis daid eará lávlagiid ja lea buorre dássi. Mii leat hui dássálagat, váikko mis leat hui iešguđetlágan lávlagat maiguin searvat.
Son lei mielde Sámi Grand Prixas 2008is, dalle soai Mikkel Rasmus Logje’in bođiiga nubbin, “Okto” lávlagin.
