Romssa fylkkaráđijođiheaddji Willy Ørnebakk geassáda fylkkapolitihkas go háliida baicce šaddat sátnejođiheaddjin ruovttusuohkanis.
Romssa fylkkaráđijođiheaddji Willy Ørnebakk geassáda fylkkapolitihkas go háliida baicce šaddat sátnejođiheaddjin ruovttusuohkanis.
Odne deaivvada Romssa ja Finnmárkku oktasašlávdegoddi vuohččan.
Doppe muitalii Romssa fylkkaráđijođiheaddji Willy Ørnebakk ahte ii joatkke fylkkapolitihkkárin.
– Mun háliidan baicce šaddat sátnejođiheaddjin Omasvuona suohkanis. Romssa ja Finnmárkku fylkkaovttastahttima hástalusat ja riiddut eai leat dagahan ahte guođán fylkkapolitihka, muhto mun háliidan leat lagabui iežan mánáid ja váhnemiid. Sihke eadni ja áhčči leaba boaresolbmot ja lahkoneaba jo 80 jagi, dadjá Ørnebakk Nordlys aviisii.
Omasvuona Bargiidbellodaga válgalávdegoddi lea evttohan Willy Ørnebakka sátnejođiheaddjievttohassan mannan sotnabeaivvi, muhto nominašuvdnalisttu ii leat gieđahallojuvvon ja mearriduvvon.
