Johttisápmelaččaid searvi Suoma beale mearridii ikte, ahte eai lágit boazocup-oassegilvvu Heahtás giđđat, nu mo lei plánejuvvon. Dan sivas go gilvvuide lei “gitta uksa” Norgga ja Ruoŧa beal gilvohálliide. Sámiid Valáštallanlihttu Norgga heargevuodjinlávdegotti jođiheaddji lohká dat lea áibbas rievttes mearrádus.
Johttisápmelaččaid searvi Suoma beale mearridii ikte, ahte eai lágit boazocup-oassegilvvu Heahtás giđđat, nu mo lei plánejuvvon. Dan sivas go gilvvuide lei “gitta uksa” Norgga ja Ruoŧa beal gilvohálliide. Sámiid Valáštallanlihttu Norgga heargevuodjinlávdegotti jođiheaddji lohká dat lea áibbas rievttes mearrádus.
– Johttisápmelaččat-searvi ii dohkket ahte dušše Suoma hearggit sáhttet oassálastit gonagasgilvvuide. Searvi cealká ahte sis lea leamaš mihtomearrin oažžut maiddái Norgga- ja Ruoŧa beal herggiid čoaggit čuoggáid gonagasluohká várás, čállá Yle Sápmi odne.
Gonagasgilvvut ledje guhka rabas buohkaide masa maid serve Norgga- ja Ruoŧa beale gilvohállit. Mannan jagi ges hearggegilvvut ledje rahpasat buohkaide. Muhto diibmá maid maŋŋá gilvvuid dohkkehedje Suoma bealde ođđa njuolggadusaid mas gonagasgilvoluohkkái ožžot searvat dušše suopmelaš bahkka luohká hearggit.
Dat ahte Johttisápmelaččat-searvi ii dohkket dan, ahte dušše Suoma beal hearggit sáhttet oassálastit gonagasgilvvuide, lea buorre ođas Anders Nils K. Eirai gii lea Sámiid Valáštallanlihttu Norgga heargevuodjinlávdegotti jođiheaddji.
– Dát lea áibbas riektá! Dát čájeha ahte doppe oaidnit ahte mii maid galggaše beassat searvat dáidda gilvvuide nu mo ovdal.
Eira ii vuoiga dieđe mii lea duohta sivvan dasa ahte Suoma beale gonagasgilvvuid lágideaddjit válde mearrádusa mii gidde uvssaid Norgga- ja Suoma beal gilvohálliide.
– Ovdal lei sáhka ahte mii eat juollut ruđa. Muhto dat ii leat duohta. Mii leat álo fállan dihto ruhtasupmiid, loahpaha Eira.
