Guovdageainnu OL-meastáris ođđa ámmát.
– Mun sávan ahte sáhtán váikkuhit ja ovdánahttit njunušvaláštallama dáppe davvin iežan gelbbolašvuođain ja vásáhusaiguin, sihke buriid ja heajut beliiguin, njunušvaláštallin, kommentere Håvard Klemetsen ieš preassadieđáhusas.
Veahkeha eará njunušvaláštalliid
Klemetsen galgá veahkehit eambbo Davvi-Norgga valáštalliid olahit buoret bohtosiid, Romssas.
Davvi-Norgga Olympiatoppenis galgá Klemetsen leat prošeaktajođiheaddji Romssa/Finnmárkku báhčinčuoigijoavkkus, fágavásttolaš taleantaovdáneamis, ja logaldallat taleantaovdáneami ja hárjeheaddji/valáštalli oktavuođas.
– Dá lea das mas mun beroštan, dadjá Klemetsen.
Buorre doaivva
Ossodatjođiheaddji Trine Lise Andersen doaivu Klemetsena gelbbolašvuođa veahkehit njunušvaláštalliid ovdáneami Davvi-Norggas.
Altaposten čálii dán ovddemus.
