Báikegottiid olbmot bivnnuhis turistaguovlluin oaivvildit ahte turisttat galggašedje sierra vearu máksit go galledit sin guovlluid.
Báikegottiid olbmot bivnnuhis Norgga turistaguovlluin háliidit ahte turisttat geat galledit guovllu galget máksit sierra turistavearu. Dan čállá Aftenposten.
Turistajohtu Norgii lassána garrasit ja das eai leat dušše buorit váikkuhusat. Iskkadeapmi, man Innovašuvdna Norga lea čađahan, čájeha ahte 65 proseantta báikkegottiid olbmuin bivnnuhis turistaguovlluin oaivvildit ahte turistajohtu mielddisbuktá nuoskkideami ja ahte turisttat bilidit guovllu luonddu.
