Norgga beale Sámedikki vuorrasiidráđđi háliida oktavuođa Ruoŧa beale boarrásiiguin
Sámedikki vuorrasiidráđis lea ovdal leamaš oktavuohta Ruoŧa beale sámi boarrásiiguin. Tråante 2017 oktavuođas deaivvadedje Ruoŧa beale vuorrasiiguin. Dalle gávnnahedje ahte lea dárbu ásahit gulahallama sámi vuorrasiidráđiid gaska. Dál lea Norgga beale Sámedikki vuorrasiidráđđi bivdán gulahallama Ruoŧa beale Sámedikkiin, ja de eandalii singuin geain lea ovddasvástádus vuorrasiidpolitihkkii.