Rukses Russii čogget ruđa dán jagáš TV-akšuvnnas ja Ola Bremnes lea ráhkadan lávlaga akšuvdnii. (Lávlaga ja filmma gávnnat vuolemusas áššis)
Rukses Russii čogget ruđa dán jagáš TV-akšuvnnas ja Ola Bremnes lea ráhkadan lávlaga akšuvdnii. (Lávlaga ja filmma gávnnat vuolemusas áššis)
Ola Bremnes lea máŋga jagi leamašan mielde Rukses Ruossa barggus Romssas ja Nordlánddas. Son oaččui dán jagi gutnálaš barggu Romssa Rukses Ruossas ráhkadit Davvi-Norgga lávlaga TV-akšuvdnii.
«Mere enn du tror» lávlla («Eambbo go don jáhkát») lea čuojahuvvon Bådådjos ja filmmažis leat govat Rukses Ruossa bargguin sihke Davvi-Norggas ja miehtá máilmmi.
– Lávlla muitala mii Rukses Ruossa váldobargu lea miehtá máilmmi, muitala Ola Bremnes gii háliidii muitalit lávlagiin mii Rukses Ruossa rievtti mielde lea.
Sávvet olbmuin veahki
– Mun sávan ahte lávlla bures muitala Rukses Ruossa ulbmila. Vaikko gos don leat, gii don leat, maid don oaivvildat ja jáhkát, de Rukses Ruossa buktá veahki dutnje. Mii sávvat maid ahte olbmot veahkehit TV-akšuvnna, ja vulget mielde čájehit movt Rukses Ruossa lea Davvi-Norggas, muitala Romssa Rukses Ruossa stivrajođiheaddji Trine-Lise Fossland.
Dán jagáš ruhtačoaggin manná Rukses Russii go veahkehit olbmuid geat báhtarit sođiin ja riidduin, Rukses Ruossa báikkálaš servviide ja sin ovttaiduhttinbargui.
TV-akšuvdna lea golggotmánu 23.beaivvi, miehtá Norgga. Loga eanet dáppe.
