Boazodoalus lea stuora roassu maŋŋá dálvvi guohtonroasu váikkuhusaid ja giđa stuorra boraspirevahágiid geažil.
– Mun giittán heahtedoarjaga ovddas maid mii oaččuimet dálvet, muhto go leat šaddan ollu miessevahágat ja vahágat áldočorragis, de dagaha dat ahte buvttadanvuođđu ja maiddái dienasvuođđu hedjona ollu jagiid ovddosguvlui, dadjá boazodoalli ja NSR-politihkkár Mathis Nilsen Eira.
Eira bidjá gažaldaga Boazodoallošiehtadusa šiehtadusbeliide – NBR:i ja stáhtii – ja bivdá daid geahčadit movt leat čoavdán dánlágan roasuid ovdal.
