NSR Viesttarmeara válgabiire vuosttaševttohas Mikkel Eskil Mikkelsen áigumuš lea ásahit giellaguovddáža gáhtten dihtii bihttán- ja julevsámegiela.
NSR Viesttarmeara válgabiire vuosttaševttohas Mikkel Eskil Mikkelsen áigumuš lea ásahit giellaguovddáža gáhtten dihtii bihttán- ja julevsámegiela.
Norgga Sámiid Riikkasearvvi Viesttarmeara válgabiire háliida ásahit sámi giellaguovddáža Bådåddjui gáhtten dihtii bihttán- ja julevsámegiela.
– Giellaguovddáš fátmmastivččii iešguđetge sámi gielaid ja kultuvrraid ja livččii erenomáš fálaldat. Mun jáhkán giellaguovddáža ásaheapmi lihkostuvašii go geahččá man bures Sámedikki ja Bådådjo suohkana ovttasbargošiehtadusa leat váldán vuhtii. Dasa lassin lea Jerntoftsletta mánáidgárddi sámi ossodat ja sámegiel šilten lihkostuvvan, lohká NSR Viesttarmeara válgabiirre vuosttaševttohas Mikkel Eskil Mikkelsen iežaset neahttasiidui.
Geatnegahtton ovttasbargat
Jus Bådåddjo suohkana ja Sámedikki šiehtadus galgá doaibmat bures, de oaivvilda Mikkelsen ahte dán ferte čuovvolit.
– Go mearrida ovttasbargat, de geatnegahttá maiddái iežas ásahit eanet sámi fálaldagaid ássiide, ja giellaguovddáš livččii hui vuogas Bådåddjui. Giellaguovddážin sáhttit maiddái olahit olggobeallái gávpotguovddáža, dat livččii ávkkálaš maiddái eará julevsámi báikkiide. Giellaguovddáža bokte sáhtašii ealáskahttit ja ovddidit sápmelaččaid historjjá, giela ja kultuvrra Sáltus, lohká Mikkelsen.
