Buohkat eai vánddardan seamma lobálaččat ikte.
Buohkat eai vánddardan seamma lobálaččat ikte.
Ikte leat politiijat dárkkistan johtolaga veahá gos ge Finnmárkkus. Eai buohkat vánddar seamma lobálaččat ja šaddet gillát dan dihte.
Jealbma váillui
Politiijat leat dárkkistan meahccejohtolaga Álttá nuortta- ja oarjjabealde.
– Dárkkistan 40 vuoddji, ja dušše okta sáhkku váilevaš jealmma geažil, čállá Finnmárkku politiijaguovlu twitteris sotnabeaivvi.
Guovttis massiiga vuodjingoartta
Vuonnabađas lei politiijain leahttodárkkisteapmi báikkis gos leahttorádji lea 60 km/dii. Guovttis massiiga vuodjingoartta.
– Dán guovttis lei beare leahttu, 87 km/dii ja 86 km/dii. Dasa lassin ledje vel guokte sáhku, čállet sii.
