Skábmamánus duššaiga guokte olbmo johtolatlihkohisvuođas Davvi-Norggas, ja goappašagat duššaiga Finnmárkkus, čájehit Stáda geaidnodoaimmahaga logut maid leat almmuhan iežaset neahttasiiddus.
Nubbi duššai go vuojáhalai luotta alde Bossegohpis, Álttás, ja nubbi duššái Juovlavuonas go guokte biilla beaškkehedje oktii.
Muđui leat Norggas duššan oktiibuot 11 olbmo dán rádjái 2018:s. Dat lea vihtta olbmo unnit go diibmá, dán muttos jagi.
Lohku lea maid unnimus mii lea 60 jahkái leamaš, go geahččá loguid skábmamánu rádjái.
Čájehuvvo maid ahte maŋemus vihtta jagi skábmamánu rádjái leat gaskamearálaččat duššan 17-18 olbmo johtolatlihkohisvuođain.
