Sámi joatkkaskuvla ja boazodoalloskuvla Guovdageainnus lea gidden uvssaid gussiide, ja Sámi allaskuvla ávžžuha studeanttaid bissut ruovttus ja čuovvut oahpahusa neahta bokte.
Sámi joatkkaskuvla ja boazodoalloskuvla dieđiha iežaset Facebook- siiddus ahte sii leat gidden skuvlla gussiide. Dán doaimma leat bidjan hehtten dihte korona- dávdda leavvamis skuvlii.
Sámi allaskuvla ges čállá iežaset neahttasiidduin ahte studeantat eai oaččo boahtit skuvlii ja galget čuovvut oahpahusa neahta bokte. Viidáset ávžžuhit sin neahttasiiddus ahte eai galgga luoitit olggobealegussiid sisa, eai galgga dárbbuhemiid mátkkoštit, ii galgga searvat doaluide main leat eanet go 500 olbmo.
Allaskuvlla neahttasiidduin čuožžu maiddái ahte bargit geat gullet riskkajovkui, galget bargat ruovttus ja bargosadji máksá visot interneahttagoluid.
