Biila šattai mohkastit go ledje bohccot luotta alde, ja geavai doaresbeallái.
Biila šattai mohkastit go ledje bohccot luotta alde, ja geavai doaresbeallái.
Finnmárkku politiijaguovlu dieđiha Twitteris ahte guorbmebiila lea geavvan doaresbeallái, riikkageainnu 93 alde, Silisávžžis. Dáhpáhus lei disdateahkedis viđa áigge.
Heahtebálvalusat vuoddjájedje báikái.
– Biilavuoddji lea gozuid alde, muhto sus lea giehta bávččas, čállet politiijat Twitterii.
Lea njalkkas, muhto muđui eai leat johtolagas váttisvuođas, dieđihit politiijat.
