Fylkkaráđđeolmmái Øystein Ruud ii doarjjo Ealáhus- ja guolástusdepartemeantta gulaskuddanevttohusa mas áigot alidit guolleeriid ja sihkastit fylkkačanastagaid.
Fylkkaráđđeolmmái Øystein Ruud ii doarjjo Ealáhus- ja guolástusdepartemeantta gulaskuddanevttohusa mas áigot alidit guolleeriid ja sihkastit fylkkačanastagaid.
Fylkkalávdegottis lea meannudančoahkkin guovvamánu 9. beaivvi, gos galget meannudit gulaskuddanevttohusa man Ealáhus- ja Guolástusdepartemeanta lea sádden. Nu čállá Finnmárkku fylkkagielda preassadieđáhusas.
Davvi-Norga vuovdimassii
Evttohusat sáhttet váikkuhit nu ahte našunála guolleresurssaid sáhttet jođáneappot ja buorebut juogadit unnit fatnasiidda ja guolásteddjiide. Jus sihkkot eret fylkkačanastagaid, de sáhttá dat intensiveret proseassaid, unnidit earromihtu Finnmárkkus ja hehttet báikkálaš ásaheami.
Friddjaluoitin
Fylkkaráđđeolmmái Øystein Ruud ipmirda evttohusa gulaskuddamis dego guolleeriid friddjaluoitimin.
– Orru čielggas dál go departemeanta lea buktán evttohusa mii rahpá stuorát vuotnafatnasiidda vejolašvuođa oastit unnibuš fatnasiid. Jus loktejit eari eanemus lági mielde nu go evttohuvvon gulaskuddamis, dalle šaddá vejolažžan stuorát fatnasiidda oastit 10-20 unnit eari, ja dat máksá ahte sáhttá máŋgii duppalastit effeavtta.
Alternatiiva earri
Gulaskuddančállosis čuožžu ahte departemeanta lea nammadan áššedovdilávdegotti mii galgá árvvoštallat Norgga earrovuogádaga ja geahčadit alternatiivvaid dálá vuogádahkii, ja lassin galget sii árvvoštallat struktuvraearreortnega. Fylkkaráđđeolmmái njulge gažaldaga galgá go heivehallet eanet privatiserema guvlui searveresurssain ovdal go áššedovdilávdegoddi lea buktán ovttage raportta. Fylkkaráđđeolmmái ipmirda ášši nu ahte jus evttohusaid álget doaimmahit, de váttisin dahká dat áššedovdilávdegotti barggu.
Departemeanta deattuha evttohusaid leat dan dihte go leat rievdadeaddji gánnáhahttivuohta riddofatnasiin, ja sisaboahtu lea buorebut dain stuorát mearrabivdofatnasiin.
