Bearjadaga maŋŋelgaskabeaivvi ledje guokte biilalihkuhisvuođa Finnmárkkus.
Bearjadaga maŋŋelgaskabeaivvi dáhpáhuvai biilalihkuhisvuohta E6 luotta alde, Lávkajávrri guovllus Porsáŋggu gielddas. Okta biilla, mas ledje njeallje olbmo, vujii badjel luotta. Buot heahteveagat bohte báikái, ja ambulánsa doalvvui Kárášjoga dearvvašvuođaguovddážii dan njealljása geat ledje lihkuhisvuođas, dieđihit politiijat Twitteris.
Maiddái Fálesnuoris lei biilalihkuhisvuohta bearjadaga maŋŋelgaskabeaivi. Biillas, mii vujii badjel luotta, lei okta birrasii 20-jahkásaš nissonolmmoš. Nisu sáddejuvvui Hámmerfeastta buohccivissui iskan dihte lea go bahuid roasmmehuvvan, čállá Ifinnmark.
