Skielleha suohkanis, Ruoŧas báhččui gumpe man eiseválddit leat čuoččuhan genehtalaččat dehálažžan.
Gumpe mii lea speadjan bohccuid Jörn nammasaš báikki guovllus lea dál báhččon. Länastivra ii oaidnán eará vejolašvuođa go goddit gumppe.
– Dat lei dagahan nu ollu váttisvuođaid ja vahágiid čearuide, dadjá luondduvárrejeaddjedirektevra Björn Jonsson SVT:i.
Gumpe speajai máŋga mánu Norr- ja Västerbottenis ja dál maŋemus leat Svaipa ja Mausjaur čearut mat leat eanemusat bártidan gumppiin. Luonddubearráigeahččit guoradedje gumppe gaskavahku, ja válde atnui helikoptera go báhče dan.
