Finnmárkokommišuvdna joatká odne ja ihttin gulaskuddančoahkkimiiguin guovlu 4:s, Kárášjogas.
Finnmárkokommišuvdna joatká odne ja ihttin gulaskuddančoahkkimiiguin guovlu 4:s, Kárášjogas.
Odne maŋŋebárgga borgemánu 23. beaivvi, lágida Finnmárkokommišuvdna gulaskuddančoahkkima Iešjohtleagi geavaheami birra Loaiddus, NRK visttis Kárášjogas. Dát leat rabas čoahkkimat.
Čoahkkin álgá birrabeavdeságastallamiin árbedihttiiguin Iešjohtleagi meahccegeavaheami birra, ja lea čuovvoleapmi kommišuvnna diimmá gulaskuddančoahkkimiin riekteipmárdusain guovllus obbalaččat ja gulaskuddančoahkkimiid Anárjogaleagi ja Kárášjogaleagi gullevaš vuoigatvuođadieđáhusaid birra.
Gaskavahku 24. beaivvi joatká čoahkkin gos fáddá lea dan 10 vuoigatvuođadieđáhusas mat leat boahtán Iešjohtleagi guovllus.
Suoidnemánu rádjái leat boahtán 56 dieđáhusa dán 4. guovllus, Kárášjogas. Kommišuvdna ii leat árvvoštallan dáid dieđáhusaid. Dát dahkko go kommišuvdna loahpaha barggu guovllus ja almmuha raportta.
Finnmárkokommišuvnnas galget leat vihtta lahtu geain unnimusat guovttis galgaba leat Finnmárkku fylkka ássit dahje sudnos galget eará ládje leat nana oktavuođat fylkii.
