Giellavahkku olis lágida Ávvir govvagilvvu mas hástalit lohkkiid govvet beaivválaš sámegiela ja sáddestit midjiide gova.
Juohke jagi 43. vahku fuomášuhttet sámegiela eanet go muđui. Dán jagi lea 43. vahkku golggotmánu 23.–29. beivviid.
Sámi giellavahkku oktavuođas háliidit mii Ávviris hástalit min lohkkiid sáddet midjiide govaid gos beaivválaččat oaidnibehtet sámegiela.
Soaitá leat mielkepáhkas dahje rámbuvrras. Vai lea go gávpogis, kantuvrras dahje šukkoládes?
Govves gova ja sáddes midjiide, de leat mielde vuorbádeamis mas sáhtát vuoitit giellapáhka. Mii vuorbádit golbma vuoiti.
Govaid sáhtát sáddet midjiide Facebook, Instagram dahje post@avvir.no bokte.
