Diibmá eai lean lihka máŋggas geat vudje beare leahtuin, muhto goit ge lassánii obbalaš supmi maid mákse stáhtakássii.
Diibmá eai lean lihka máŋggas geat vudje beare leahtuin, muhto goit ge lassánii obbalaš supmi maid mákse stáhtakássii.
Diibmá eai lean lihka oallugat geat válddahalle beare leahtus vuodjime, muhto goit ge lassánii obbalaš supmi man ovddas sáhkkohalle.
Oktiibuot ledje 157 468 olbmo geat sáhkkohalle, 2 000 unnit go ovddit jagi. Dan čállá Bergens Tidene aviisa.
Eai lean lihka máŋggas geat masse vuodjinkoartta, 787.
2016 ledje 844 olbmo.
Lassánii 47 miljovnnain
Lihkká lassánii obbalaš sáhkkosupmi garrasit, 47 miljovnnain. Olles 241 miljovnna máske diibmá stáhtakássii. Muhto politiijat deattuhit ahte eai leat ruđaid maŋis.
– Ii, ii, min mihttu ii leat juohkit sáhkuid, lohká Vivi-Ann Haukås. Son jođiha etáhta automáhtalaš johtolatdárkkistan guovddáža.
Guokte siva manne lassána
– Min barggus eat jurddaš miljovnnaid dahje gallis válddahallet. Min mihttu lea johtolatsihkarvuohta, vuolidit leahtu, ja seammás hehttet lihkohisvuođaid, lohká son.
Son deattuha ahte leat guokte faktora mat sáhttet čilget manne lohku lea nu sakka lassanan.
– Okta sivva sáhttá go sáhkkomearit lassánedje diibmá. Sáhttá maid geažuhit ahte leat eambbosat geat válddahallet roavvát rihkkumiidda.
(©NTB)
