Golbma olbmo leat bážáhallan Girkonjárggas mannan ija. Guovttis dan golbmasis leaba jápmán, dieđihit politiijat.
Golbma olbmo leat bážáhallan Girkonjárggas mannan ija. Guovttis dan golbmasis leaba jápmán, dieđihit politiijat.
Politiijat ožžo dieđu vuossárgga ija diibmu 04.13 ahte muhtin orrunsajis Girkonjárgga guovddážis lea hirbmat riedja.
Politiijat vulge báikái ja gávdne golbma olbmo geat ledje bážáhallan, dieđiha Nuorta-Finnmárkku politiijaguovlu preassadieđáhusas.
Ovtta nissonolbmo duođaštedje jápmán dan orrunsajis, ja dan nuppi guoktá sáddejedje buohccivissui go leigga bahut roasmmehuvvan.
Nubbi olmmoš jámii maŋŋel go ollii buohccivissui.
Politiijat eai dieđe vuos mii lea dáhpáhuvvan orrunsajis gos báhčin lea dáhpáhuvvan, ja sii leat dál ollásit dutkame olles ášši.
– Dat golmmas ledje oahppásat nubbi nubbái. Dál eai bala politiijat earáid leamašan dan orrunsajis go báhčin dáhpáhuvai, muhto politiijat lohket beare árrat dadjat ja dutket ášši viidáset, čuožžu preassadieđáhusas.
Suohkana heahteveahka lea ožžon dieđu dáhpáhusa birra.
