Goike geassi, biergohaddi njiejai ja olggosgolut lassánedje. Nuppi jagi maŋŋálaga lea eanandoalu dienas hedjonan.
Mielkehaddi njiejai ja gortniid ektui lei 2018 earenoamáš heitot jahki. Nuppebealde skála ges lei sávzzabiergu, šattut ja muorjit main ges buorránii sisaboahtu čájehit Norgga bioekonomiija instituhtta (NIBIO) guorahallamat.
Eanandoalu gaskamearálaš sisboahtu njiejai 35.800 ruvnnuin, 287.500 ruvdnui juohke jahkedoaimma ovddas 2018:s. Buoremus dienas lei Nuorta-Norggas gos gaskamearálaš sisaboahtu lei 318.800 ruvnno, Davvi-Norga lei nubbin buoremus 315.100 ruvnnuin juohke jahkedoaimma ovddas.
Goike geassi billistii gordniid
Gordneboanddat masse eanemus dietnasa goike geasi dihte. Sin dienas unnui 84.000 ruvnnuin. Mielkeboanddat ges dinejedje gaskamearálaččat 321.500 ruvnno juohke jahkedoaimmas, dát lei 6 proseantta unnit go jagi ovdal.
Dan seammás lassánii dienas šattuid ja murjjiid suorggis 23 proseanttain.
