Fylkkavárresátnejođiheaddji Tarjei Jensen Bech loktii dálkkádatgažaldaga ja fievrrideami birra iežas sátnevuorus Barentsovttasbarggu deaivvadeamis mii lágiduvvui Haparandas.
Suoma, Ruoŧa, Norgga ja Ruošša parlamentarihkkárat ja sámediggeovddasteaddjit deaivvadedje Haparandas, Ruoŧas, Barens parlamentarihkkáriid konferánssas. Dat konferánsa lágiduvvo jahkásaččat Barensregiuvnnas ja lea dehálaš ovttasbargoarena.
Fylkkavárresátnejođiheaddji Tarjei Jensen Bech loktii iežas álgosártnis mo stuorra dálkkádatrievdadeapmi váikkuha davvin, ja dan vuosttaldeamis lea áigi barggus váldit jođiheami.
Barensoktasašbargu lea ráhkadahttán oktasaš fievrredanplána Bárentsregiuvdnii, mas buot njeallje riikka oassálastet. Fylkavárresátnejođiheaddji oaivvildii ahte ferte dahkkot eambbo, ja logai sártnis ahte berre nannoseappot geatnegahttit vai duohtan šaddet plánat.
Fylkkavárresátnejođiheaddji maid muitalii Barents games stohkosiid birra mat leat leamas easkkabáliid. Jahkásaš gilvvut čohkkejit masá 1000 nuora ustitvaláštallangilvvuide mat álgiduvvojit Barensregiuvnna olbmuid gaskka. Eaktodáhtolaččat bidjet olu návccaid doaluide ja berrejit oažžut sakka rámi iežaset barggu ovddas.
Dákkár doaluide šaddet geavahit olu návccaid ja visumproseassas fas ruđa. Dat hehtte dehálaš ovttasbargošiehtadusa, oaivvilda Bech ja evttoha daid beliid geahččalit álkidahttit.
Tarjei Jensen Bech deattuhii ahte lea dehálaš nuoraid guldalit, ja hábmet regiovnna gos ássanmokta ja loaktin lea boahttevaš buolvvain.
