Gaskavahkku vuddjojedje 14 ealgga ja ovcci bohcco Nordlánddas. Goaskin maid jámii dan báikkis gos eanemus eallit vuddjojedje togii.
Gaskavahkku vuddjojedje 14 ealgga ja ovcci bohcco Nordlánddas. Goaskin maid jámii dan báikkis gos eanemus eallit vuddjojedje togii.
Gaskavahkku vujii toga gávcci ealgga, gávcci bohcco ja ovtta goaskima njeaiga. Dasa lassin leat guhtta ealgga, okta vuovderuoigu ja okta boazu vuojáhallan luotta alde dušše dán fylkkas.
– Dát lea dábálaš jándor. Eat leat vel geahčadan statistihka, muhto lea dakkár dovdu mis ahte dát bárti ii goassege noga, muitala operašuvdnajođiheaddji Ivar Bo Nilsson VG:i.
Vuojahallo boradettiin
– Goaskin vuojáhalai lulágeahčen Mussira, Trofors lahkosis. Leat máŋga goaskima mat leat vuojáhallan togaide maŋemus vahkkuid. Goaskin lea ráppiid borrame mat leat vuddjon togii, ja boahtá fas toga mii vuodjá goaskima njeaiga, čilge Nilsson.
Johtolatbárttit Áhkkánjárggas
Politiija dieđuid mielde lea maid okta njiŋŋelas ealga ja guokte miesi dagahan ollu bártti E6 luottas Áhkkánjárggas maŋemus guokte beaivvi.
– Dál leat fas ihtán ja leat hehttehussan johtolahkii, čálle politiijat Twitteris gaskavahkku eahkeda.
(©NTB)
