Dál lea mearriduvvon goas Girjás čearru ja Ruoŧa stáhta deaivvadit Alimusrievttis.
Čakčamánu 2. beaivvi dán jagi álgá Ruoŧa stáda ja Girjás čearu diggi Alimusrievttis, čállá SR sámerádion.
Stáhta vuoittáhalai Girjás čerrui hoavvarievttis 2018:s, ja dál lea guoddalan ášši Alimusriektái.
Hoavvarievtti duomus bođii ovdan ahte Girjás čearru ja stáda galget ovttas hálddašit guolástusa ja bivddu Jiellevári guovlluin.
Ruoŧa stáhta ii dohkkehan dan ja lea dál guoddalan áššis viidásit Ruoŧa Alimusriektái.
2009:s stevdnii Girjás čearru Ruoŧa stáda vuosttaš geardde riektái dán vuođul go háliidedje iešhálddašeami smávvafuođđobivddus čearu guohtuneatnamiin.
Stáda vuoittáhalai Girjás čerrui Jiellevári diggerievttis 2016:s, muhto stáda goaddalii áššis viidáseappot hoavvariektái.
Alimusrievttis leat áššái várrejuvvon oktiibuot vihtta vahkku dikkis.
