Offroad Finnmárkku 700 kilomehtera luohkká njunuš lea ollen nuppes Áltái, vaikko gilvu lea ovdánan njozet lossa siivvu geažil. Joavku mii ikte lei njunnošis šattai gaskkalduhttit bártti geažil.
Offroad Finnmárkku 700 kilomehtera luohkká njunuš lea ollen nuppes Áltái, vaikko gilvu lea ovdánan njozet lossa siivvu geažil. Joavku mii ikte lei njunnošis šattai gaskkalduhttit bártti geažil.
Guhkes mátkki gilvaleaddjit leat joavdan badjel beallemátkái ja dálki ii leamaš dat buot buoremus.
Máŋga joavkku leat válljen botket gilvvu iešguđet sivaid geažil ja dat garrasamosat jotket.
Guhtta joavkku leat gaskalduhttán dán radjai.
– Oažžu roahkka lohkat ahte dál lea dat losimus gilvomađiija guhkes áigái ja gilvu ovdána njozet, dadjá gilvvuid jođiheaddji Jørund Greibrokk.
Gaskkalduhtte
Ievttá njunušjoavku Andreas Setting ja Einar Bjørn šattaiga gaskkalduhttit gilvvu maŋŋel 428 kilomehtera maŋŋel Gargias, go Bjørn ráhčagođii čippiin.
Jovde Áltái
Ođđa njunušjoavku leage Team 712 – CKL Denmark / MTB Racing Stars, mas duolbmaba Dánmárkulašguovttos Paw Ager ja Les Ager.
Soai joavddaiba Áltái badjelaš diibmu 09:00.
Diimmu maŋŋel joavddaige Team 702 – Skaidi Xtreme 700 HSK/PCK joavku.
