Suoločielggis lágiduvvo ođđa gilvu gos vudjet skuteriiguin čierastanluohkás dán giđa áigodaga loahpaheamis.
Suoločielggis lágiduvvo ođđa gilvu gos vudjet skuteriiguin čierastanluohkás dán giđa áigodaga loahpaheamis.
Skutervuodjinšillju lea ráhkaduvvon Kaunispää ceakkus luohkáide njuikehagaiguin gos gilvalit leahtuin ja teknihkas.
Ođđa gilvomálle
Muohtaskuter luohkágizzun lea ođđa leahttovaláštallan man Suoma Mohtorsearvi lágida ja mas sierra njuolggadusat dohkkehuvvojedje 2015:s. Vuoiti lea son gii jođánepmosit nagoda vuodjit olles bána.
Gilvvus leat iešguđet gilvoluohkát: stock vuollel 600cc, stock vuollel 800cc ja Rabas luohká. Maŋemus dieđihanáigemearri gilvui lea miessemánu 2. beaivvi ja gilvvut leat miessemánu 7. beaivvi.
Muohtaskutergilvodoalut loahpahit Suoločielggi dálveáigodaga. Lágideaddjit leat Ylä-Lapin Moottorikelkkailijat ry oja Saariselkä Ski & Sport Resort Oy.
Seamma vahkku ovdal muohtaskutergilvvuid lágiduvvojit earret eará dálvesihkkelgilvvut váris ja meahcis (fatbike-sihkkeliiguin), ja máilmmimeašttirgilvvut gielkkáčierasteamis Suoločielggis.
