Signe Marie Fidje Store vuolgá odne Makedoniai ráhkkanit OG-kvalifiserengilvui mii lea Istanbulas Durkkas miessemánu 7. beaivvi.
Signe Marie Fidje Store vuolgá odne Makedoniai ráhkkanit OG-kvalifiserengilvui mii lea Istanbulas Durkkas miessemánu 7. beaivvi.
Signe Marie galgá Makedonias dassážii go son vuolgá Istanbulii Olympiagilvvuid (OG) kvalifiserengilvui. Signe Marie ferte beassat finálii vai beassá viidáset Olympiagilvvuide mat leat Brasilas dán jagi. Jus Signe Marie šaddá vuosttažin dahje nubbin iežas deaddoluohkás, mii lea 69 kg, de beassá son oassálastit Olympiagilvvuin.
Jáhkku Signe Mariei
Ovddit vahkkoloahpa lei Eurohpá OG-kvalifiserengilvu Serbias, ja doppe kvalifiserii durkalaš Buse Tosun Olympiagilvvuide. Buse lei Signe Marie gilvaleaddji bronsafinálas senior Eurohpámeašttirgilvvuin njukčamánus, ja Signe Marie vuittii dalle dan gilvvu Buse vuostá.
Heaibunsearvvi ođđa doaivva
Njeallje jagi dás ovdal lei Deanu heaibu Maja Erlandsen vihtta sekundda eret beassamis Olympiagilvvuide (jagi 2012). Deanu heaibunsearvi sávvá dál Signe Marie lihkostuvvat kvalifiseremis ja beassat Olympiagilvvuide Brasilii.
