Gielddaide 4 miljárda lasáhus

06/10/2016 09:12

Ođasmahtton: 02/07/2019 19:29

Sámi gielddaid lasáhusat 2017 stáhtabušeahtas

Guovdageaidnu: 219 876 000, lasáhus 3,5%

Kárášjohka: 187 836 000, lasáhus 1,2%

Porsáŋgu: 248 754 000, lasáhus 3,6%

Deatnu: 210 575 000, lasáhus 1,2%

Unjárga: 90 701 000, lasáhus 5,6%

Gáivuotna: 155 160 000, lasáhus 2,6%

Loabát: 89 805 000, lasáhus 7,7%

Divttasvuotna: 139 552 000, lasáhus 2,0%

Snoasa: 139 252 000, lasáhus 1,2%

Raavrevijhke: 47 568 000, lasáhus 4,2%

Oktiibuot lassánit Norgga gielddaid ja fylkkagielddaid bušeahtta 4,075 miljárdda ruvnnuin 2017:s.

Suohkaniidda juolluduvvojit 3,625 miljárdda ruvnnu eambbo ja fylkkagielddaide ges 450 miljovnna ruvnnu eambbo go diibmá.

Loabát oažžu eanemus

Sámi gielddaid bušeahttavuoiti lea Loabát suohkan.

Oktiibuot oažžu Loabát suohkan 89 805 000 ruvnnu, suohkana dienas lassána 7,7 proseanttain.

Loabát suohkan oažžu maiddái stuorámus lasáhusa olles Romssa fylkkas.

Finnmárkku vuoiti

Finnmárkku gielddain oažžu Unjárga stuorámus lasáhusa, oktiibuot oažžu Unjárga 5,6 proseantta eanet boahtte jagi.

Dát lea nubbin eanemus sámi gielddaid searvvis.

Raavrevijhke suohkana bušeahtta lassána 4,2 proseanttain, dát lea goalmmát stuorámus lasáhus sámi suohkaniid searvvis.

Golbma gieldda vuolimusas

Sámi gielddaid searvvis ožžot Kárášjohka, Deatnu ja Snoasa unnimus lasáhusa, sii ožžot dušše 1,2 proseantta lasáhusa boahtte jagi.

Divttasvuonas lassána 2 proseanttain, Gáivuonas 2,6 proseanttain, Guovdageaidnu 3,5 proseanttain ja Porsáŋgu 3,6 proseanttain.