Grenselandet AS heaittiha Davvi bieggamilloplánaid Deanus, ja Davvesiidda máttaoarjjabeale plánaguovllus.
Geassádeami duođaštii Deanu sátnejođiheaddji Helga Pedersen duorastaga gielddastivračoahkkima oktavuođas go Ellos lagešduoddara Ragnhild Rajala Lautz loktii gažaldaga áššái, dán čállá Sagat
Uhccán doarjja
Reivves, man Grenselandet AS lea sádden Norgga čázadat- ja energijádirektoráhta konsešuvdnaossodahkii, boahtá ovdan ahte sivva dasa lea go Deanu Bargiidbellodat ja Deanu Sámelistu eai suova Davvi bieggafápmobargguid Detnui, mii mielddisbuktá ahte Deanu gielddas ii doarjjo eanetlohku dán prošeavtta.
Fokus Davvesiidii
Grenseland AS geassá maid ovdan ahte maŋŋá go konvenšuvdnaohcama ledje sádden sisa, de bohte eanet cealkámušat ahte prošeakta berre Rásttigáissá dobbelii sirdojuvvot. Grenseland sirdá dál prošeavtta dušše Davvesiidda gildii.
Loga maid: Dál lea Deanu Bargiidbellodat maid mearridan maid oaivvildit: – Dán sisabahkkema eat doarjjo