Korona gáržžidemiid geažil ávvuduvvo dán jagáš friddjavuođa- ja veteránabeaivi digitálalaččat ja sátta álgá lávvordaga miessemánu 8. beaivvi diibmu 12.15.
Njuolggosátta máid ráđđehusa siiddus sáddejit bistá sullii 30 minuhta ja doppe galgaba earret eará stuoradigge áirras Tone Wilhelmsen Trøen ja stádaministtar Erna Solberg doallat sártni. Soalddáhiid sártni doallá ges Afghanistána veterána Aleksander Jankov.
– 2020:s bissehii koronapandemiija friddjavuođa- ja veteránabeaivvi ávvudeami, ja nu lea dađibahábut dán jagi ge. Go eat beasa deaivvadit nu go háliidivččiimet, de lea dehálaš ahte beassat čájehit giitevašvuođa min nuppi máilmmisoađi ja internationála veteránaide. Ráfivuođas ja friddjavuođas lea haddi. Dán jagi mii muitalit vásáhusaid ja muitalusaid digitálalaččat ja háliidit ahte nu oallugat go vejolaš besset geahččat sáddaga, dadjá suodjalusministtar Frank Bakke Jensen preassadieđáhusas.
DÁS SÁHTÁT ČUOVVUT NJUOLGGOSÁDDAGA LÁVVORDAGA DIIBMU 12.15 rájes.
Sátta lea buhtaduvvon Departemeantta sihkarvuođa- ja bálvalusorganisašuvnnas (DSS). Ráđđehusa ruovttusiiddus lea vejolaš geahččat sáddaga ođđasit.
