Stuorra geađgeuđas manai rastá fylkkageainnu Uhca Liidnavuonas olggobealde Álttá suohkana Finnmárkkus. Geaidnu lea dál gitta Uhca Liidnavutnii ja ii leat sihkkar goas rahppo.
Stuorra geađgeuđas manai rastá fylkkageainnu Uhca Liidnavuonas olggobealde Álttá suohkana Finnmárkkus. Geaidnu lea dál gitta Uhca Liidnavutnii ja ii leat sihkkar goas rahppo.
Odne maŋŋebárgga iđit manai geađgeuđas rastá fylkkageainnu 19, Uhca Liidnavuonas Finnmárkkus. Uđas lea gidden olles geainnu ja iige leat vejolaš beassat eará sajis vuodjit gilážii.
– Čájehuvvo ahte uđas lea stuorát maid mii navddiimet. Lea vaikke man ollu geađggit ja bávttit mat leat fierran geainnu ala, dadjá operašuvdnajođiheaddji Leif Magne Thomassen Oarje-Finnmárkku politiijaguovllus Nordlys aviisii.
Politiijain ii leat vel čielggas man ollu olbmot leat giddejuvvon gilážii. Sii ávžžuhit olbmuid várrugasat johtit, go eai dieđe vel bohtet go eambbo uđđasat.
Geologat leat dál jođus dohko ja odne maŋŋá diehtit eambbo goas geainnu sáhttet rahpat. Áramusat árvvoštallo geaidnu rahppot bearjadaga. Fylkkagielddas lea dál vuorrohálešteapmi sihke Álttá suohkaniin, Stáhta geaidnodoaimmahagain ja Borealain mo buoremusat váldit vára daid olbmuin geaidda dát guoská.
Uđas lea ovdal maid gidden dán geainnu.
