Virke váldoorganisašuvdna árvvoštallá ahte juohke norgalaš gávppaša birrasii 11 040 ruvnno juovlamánus dán jagi. Njeallje ruvnno juohke logi ruvnnos manná biebmorámbuvrraide.
Virke váldoorganisašuvdna árvvoštallá ahte juohke norgalaš gávppaša birrasii 11 040 ruvnno juovlamánus dán jagi. Njeallje ruvnno juohke logi ruvnnos manná biebmorámbuvrraide.
Juovlamánnu lea ain deháleamos mánnu gávpeealáhussii, muhto dehálašvuohta njiedjá.
Skábmamánnu – dat ođđa gávppašanmánnu
Dan rájes go Čáhppes bearjadat «Black Friday» joavddai Norgii 2015:s, de lea gávppašeapmi sirdásan eanet ja eanet skábmamánu maŋemus vahkkui.
– Čáhppes bearjadat ja lassánan neahttagávppašeapmi lea rievdadan gávppašandábiid. Norgalaččat golahedje badjelaš 3,6 miljárdda ruvnno ovddas gávppiin Norggas Black Friday beaivvi 2017:s. Dat lea 16 proseantta lassáneapmi ovddit jagi ektui, lohká Virke Faghandel direktevra Bror William Stende. Son jáhkká dán jagi Black Friday beaivvi olbmuid gávppašit birrasii 3,9 miljárdda ovddas mii lea skábmamánu 23. beaivvi.
Juovlamánnu – dán jagáš gávpašanmánnu
2017 logut čájehit ahte juovlamánu lassána gávppašeapmi 30 proseanttain, eará mánuid ektui jagis.
– Juovllat leat dehálaččat gávppiide ja dinejit 33,5 miljárdda ruvnno ovddas juovlamánus, lohká Stende, ja lohká ahte biebmogávppit fas dinejit 25 miljárdda ruvnno.
