Guovtti sarvagottis leat gávdnan CWD-dávdda, maid báhče guovvamánu 13. ja 17 beaivvi, Nordfjellas, dán jagi.
Guovtti sarvagottis leat gávdnan CWD-dávdda, maid báhče guovvamánu 13. ja 17 beaivvi, Nordfjellas, dán jagi.
Veterinearainstituhtta lea gávdnan positiiva iskosiid sihke lymfačuolmmain ja vuoiŋŋamaččain goappašat eallis, dieđiha instituhtta.
Dán rádjái leat, oktii dáinna guovtti elliin, gávdnon 17 ealli main lea dát dávda Nordfjellas.
Jávkadit buot gottiid Nordfjellas
Bivdit leat jo báhčán máŋggaid čuđiid gottiid dan guovllus skábmamánu rájes vai bissehit dán dávdda leavvamis. Mihttu lea jávkadit goddeealu Nordfjellas, vai dávda jávká oalát Norggas.
Nordfjella goddeguovlu lea Buskerud fylkkas, Hordalándda ja Sogn ja Fjordane fylkkain. Dán rádjái leat bivdit báhčán 778 gotti, ja leat vel birrasii 900 gotti vel maid galget báhčit.
Falleha vuoiŋŋamaččaid
Vuoiŋŋamašdávda lea nu gohčoduvvon priondávda. Dat falleha sarvaelliid ja lea measta dego dat dávda mii falleha sávzzaid ja gussaelliid. Dávda borrá vuoiŋŋamaččain siivvožit. Eallit álget loahpas soalssidit, doarggistit ja livzzistit. Loahpas de jápmet.
(©NTB)
