Ikte eahkes lei gássasuođđan Muolkkuin Hámmárfeasttas.
Ikte, lávvordateahkeda diibmu 22:26, ožžo politiijat dieđu ahte Muolkkuin Hámmárfeastta suohkanis lea gássa suođđame Equinor gássarusttegis.
Heahteveahkit biddjojedje gearggusvuhtii nu go gáibiduvvo dakkár dáhpáhusas.
Sotnabeaivvi iđida muitala Finnmárkku politiijaid operašuvdnajođiheaddji Jan Arne Pettersen iFinnmarkii ahte suođđan lea gávdnon, mii lei muhtun bosonventiillas.
Dat lea dál divvojuvvon ja buvttadeapmi doaibmá fas nu go dábálaččat.
