Finnmárkku Fylkkamánni lea mearridan giddet bievlamáđija nr 5 Guovdageainnus, maŋŋel go suohkan lea ávžžuhan Fylkkamánni giddet luotta.
Finnmárkku Fylkkamánni lea mearridan giddet bievlamáđija nr 5 Guovdageainnus, maŋŋel go suohkan lea ávžžuhan Fylkkamánni giddet luotta.
Suohkan lea čoahkkinastán Joahkonjárggain, orohat 27, ja suohkan čállá reivves ahte ávžžuhuvvo giddet bievlamáđija Njárgajávrái golggotmánu 5. beaivvi rájes gitta skábmamánu 5. beaivái.
Ávžžuha giddet
– Guovdageainnu suohkana ovdagoddi oaidná dárbbu váldit vuhtii orohaga dárbbu ja vuorjašumi, ja ávžžuha Fylkkamánni, ovttas orohagain, gaskaboddosaččat giddet bievlamáđija 5, čállá Guovdageainnu suohkan reivvestis Fylkkamánnái. Galgá maid addot vejolašvuohta ohcat sierravuodjinlobi jus lea dárbu meahcástallat.
Fylkkamánnis lea vuoigatvuođavuođđu giddet mohtorjohtolaga gaskaboddosaččat «go lea dárbbašlaš boazodollui ja eará fuođđoealáhusaide, dahje eará beroštumit maid mohtorjohtolatláhka galgá áimmahuššat».
Fylkkamánni mearridii giddet máđija golggotmánu 10. beaivvis gitta skábmamánu 5. beaivái.
Orohat 27 galgá maid addit dieđu Fylkkamánnái jus ovdal áiggi sáhttá rahpat fas luotta.
