Vaikke dál leat Finnmárkkus gáržžidan rievssatbivddu, de čájeha NINA raporta ahte Gaska-Norggas lea rievssatvallji.
Borgemánus čađahuvvojedje rievssatlohkamat miehtá Norgga. Logut čájehedje ahte Davvi-Norggas lea unnit rievssat go diibmá, Lulli-Norggas fas stuora erohusat iešguđetge guovlluin, ja Gaska-Norggas lea lassánan rievssat diimmá ektui.
Dál lea Norgga luonddudutkaninstituhtta, NINA, ráhkadan rievssatlohkanraportta.
Doppe sii čujuhit ahte Gaska-Norggas, Norlánddas ja Trøndelágas, lea buorre lassáneapmi diimmá ektui. Dan sii čilgejit dainna ahte diibmá ledje olu ja stuora beassádagat, mii dál mielddisbuktá ahte lea eanet rievssat Gaska-Norggas go diibmá. Eanas leat rávis rievssahat, muhto unnit beassádagat.
Lulli-Norggas fas leat báikkálaččat hui stuora erohusat. Davvi-Norggas fas unnit rievssat go diibmá.
