Guinness world records ii dohkkehan Per Heimly gova máilmmiolahussan gos lei čohkken 323 gávttehasa ovtta govvii.
NRK Sápmi lei gohčodan dán “eanemus gávttehasat seamma govas”. Dá lea dat man Guinness hilgu. Sii čujuhit dasa ahte de livččii sáhttán govvet omd. olmmošveaga faláštallandoaluin, konsearttain dahje almmolaš ávvudoaluin. Sii eai dáinna heađuš dan maid NRK čađahii, ja sávvet ahte lea dohkálaš ákkastallan ja čilgehus sin bealis. Dan čállá NRK Sápmi neahttasiiddus.
Ii leat beahtahallan
NRK Sámi doaimmahushoavda Wenche Marie Hætta ii loga iežas beahtahallan dáinna. Lei somá sáhttit Deanus čohkket ná ollu gávttehasaid sámeálbmotbeaivvi, ja oaidnit dán njuolggosáttan. Gii diehtá, soaitá NRK Sápmi hutkat earálágan máilmmiolahusa geahččalit boahtte jagi sámeálbmotbeaivvi? Dál ii leat go geahččat makkár suorggit leat dohkkehuvvon, ja heivehit ovtta dain tv-sáddagii, leaikkastallá Hætta.
