Politiijat ožžo bearjadatiđida diibmu 08.15 dieđu ahte soames dahje soapmásat leat gaikon sisa Gorrevári skuvlii.
– Leat ožžon dieđu cuovkanan láse birra, ja veaháš diŋggat galget leat suoláduvvon. Eat dieđe vel mii lea jávkan, lohká operašuvdnajođiheaddji Andreas Vesterhus Altapostenii. Lea eahpečielggas goas sisagaikun lea dahkkon.
– Mii leat iskame rihkusbáikki, dajai Vesterhus Altapostenii ovcci áigge bearjadat iđit.
Skuvlla inspektevrra Liv Røkenes lohká sii eai leat guhkes vásihan sisagaikuma.
– Leat cuvken láse hálddahusas kánturossodagas, ja diehtit okta PC lea jávkan,lohká son Altapostenii.