-Almmuhus-
-Almmuhus-
OĐĐASATGáibidit váile 30 miljovnna eambbo

Gáibidit váile 30 miljovnna eambbo

-

-

Eanandoallo- ja biebmodepartemeanta lea ožžon lasihangáibádusa boazodoallošiehtadussii Norgga Boazosápmelaččaid Riikkasearvvis.

Norgga Boazosápmelaččaid Riikkasearvi (NBR) geigii duorastaga Eanandoallo- ja biebmodepartementii 2016/17 boazodoallošiehtadusa gáibádusa.

Dán háve gáibida NBR 146,65 miljovnna ruvnno, mii lea 28,65 miljovnna ruvnno lasáhus dálá šiehtadusa ektui mas lea 113 miljovnna ruvnno.

 

Iešguđet doaimmaid sihkkarastit

NBR lea ovddidan gáibádusa iešguđet doaimmaide maid oaivvildit dehálažžan sihkkarastin dihte ekonomalaš ovdáneami boahtte šiehtadusa áigodagas.

Boazodolliid riikaviidosaš organisašuvdna gáibida buorebut sihkkarastit boazodoalloeatnamiid, eambbo dietnasa boazoealáhussii, ja sihkkarastit márkanortnegiid maid ektui lea álkit plánet ovddas guvlui. Seammás dáhttot maiddái buoret rámmaeavttuid orohagaide.

 

Stáhta vástida NBR gáibádusaide dán mánu 27. beaivvi ja šiehtadusat galget loahpahuvvot njukčamánu vuosttaš beaivvi rádjái.

-Almmuhus-