-Almmuhus-
OĐĐASAT Fylkka­mánni gidden láhtuid

Fylkka­mánni gidden láhtuid

-

-

Romssa ja Finnmárkku fylkkamánni lea addán dieđu Kárášjoga gildii ahte sii galget giddet muhtin skuterláhtuid Kárášjogas. 

Fylkkamánni lea bivdán gieldda giddet golbma láhtu heajos guohtuma geažil, dasa lassin go guokte láhtu leat gitta eará ákkaid geažil. 

Láhttu 5 Jeagilvármáđijas Guovžilbohkái ja Iškorassii, láhttu 17 Badjenjárggas láhttu 5:i ja láhttu 14 Jergulis láhttu 1:i Seaisugiellasa bokte leat giddejuvvon heajos guohtuma geažil. 

Dasa lassin lea láhttu 6 Anárjohtnjálmmis láhttogeahčái Andreas-Nilsen bartta bokte gitta ja láhttu 7 deanuleahki, Anárjohtnjálmmis Leavvajohkii gitta. 

Fylkkamánni bivdá maid ahte čuoiganláhttu Láttošluohkás Rukses Ruossa bartii ii vuddjo iige doalahuvvo ortnegis. 

- Advertisement -
-Almmuhus-