Elliidčálggu dihte lea Fylkkamánni mearridan giddet ovtta guovllu Deanu gielddas mohtorjohtolahkii.
Gielddus lea doaimmas cuoŋománu 17.beaivvi rájes ja lea sierralobiide mat gusket guvlui kárttas mas lea rukses ivdni. Gielddus bistá gitta addo ođđa diehtu, dieđiha Romssa ja Finnmárkku fylkkamánni sin neahttasiiddus.
Jus gielddus heaittihuvvo, de leat sierravuodjinlobit fas doaimmas.
Skuterláhttuid oktavuođas ii leat gielddus, ja dat leat ain rabas.
Duogážin go fylkkamánni gidde guovllu sierralobivuodjimiidda, lea dan sivas go boazodoalus lea hearkkes dilli guohtuma ektui. Bohccot leat hearkkit riejaide dál, ja fertejit bállet ráfis guohtut dain moatti báikkis gos sáhttet guohtut ja gos lea vejolaš biebmat ealu. Fylkkamánni bivdá olbmuin erenoamáš várrogasvuođa.
