Fosena bieggafápmohuksejeddjiid ja boazodoalu riidu galgá meannuduvvot Alimusrievtti.
Ášši lea dan mađe dehálaš ja 11:s dain 20 Alimusriekteduopmáris galget mielde ášši meannudeamis.
Frostating Lágamánneriekti mieđihii boazodolliide measta 90 miljovnna ruvnnu buhtadussan go leat massán guohtuneatnamiid bieggafápmohuksemii Fosenis Trøndelágas. Riekti čuoččuhii ahte guovllut eai sáhte geavahuvvot dálveguohtuneanan.
Boazodoallit eai guoddalan buhtadusa, muhto oaivvildit ahte sámeriekti ii lean vuhtii váldon go adde doaibmalobi huksemii.
Fosen vind oaivvilda iežaset bealis ahte bieggafápmohuksemis eai leat nu olu negatiiva váikkuhusat nu go lágamánneriekti oaivvildii.
Oljo- ja energiijadepartemeanta doarju Fosen vind guoddaleami. Ráđđehusadvokáhtta oaivvilda ahte lágamánnerievttis ii leat rievttes ipmárdus buhtadusnjuolggadusain ja oaivvilda sin dulkon dagaha ahte šaddá divraset hukset bieggafámu boahtteáiggis guovlluide gos boazodoallu lea, NRK dieđuid mielde.
(©NTB)
