Ievttá Lotto geassimis lei muhtun Finnmárkulaš gii beasai buot eanemus illudit. 14,5 miljovnna leat vuordimis.
Ievttá Lotto geassimis lei muhtun Finnmárkulaš gii beasai buot eanemus illudit. 14,5 miljovnna leat vuordimis.
– Dál gal dájut. Vuoi máilbmi, dál in dieđe movt galggan. Measta 15 miljovnna? In dieđe šat maid galggan lohkát.
Die ledje Lotto-vuoiti vuosttaš sánit go Norsk Tipping riŋgii sutnje ilolaš dieđuin.
Dan čállá Norsk Tipping iežaset neahttasiiddus.
Háliida veahkehit bártnis
Dievdu lea 60 jahkásaš, ja ii áiggo almmuhit namas. Lávvordaga son vuittii 14 547 615 ruvnno, ja lohká ahte dál beassá buot velggiid máksit.
– Áiggun veahkehit iežan bártni. Son oažžu ásodaga, lohká duđavaš Finnmárkulaš Norsk Tippingai.
Vuoitologut ledje 1 – 19 – 21 – 27 – 28 – 29 – 32, ja lassi lohku lei 3.
