Dušše golbma suohkana Finnmárkkus leat vástidan Biebmobearráigeahču jearahallaniskkadeapmái.
Boarrásiid- ja álbmotdearvvašvuođaministtar Sylvi Listhaug lea bivdán Biebmobearráigeahčču, Álbmotdearvvašvuođainstituhtain fárrolaga, čađahit kártema ja guorahallat makkár dilli Norgga suohkaniin lea juhkančázi ektui.
Preassadieđáhusas maid Dearvvašvuođa-ja fuolahusdepartemeanta lea sádden muitaluvvo ahte dál lea raporta boahtán, ja dat čájeha ahte Finnmárkkus leat dušše golbma suohkana vástidan Biebmobearráigeahču jearahallaniskkadeapmái. Dát suohkanat leat Hámmárfeasta, Áltá ja Mátta-Várjjat.
– Dát lea beare heitot. Mun áiggun bivdit Biebmobearráigeahču čuovvulit ášši nationálalaš bearráigeahččuprošeavttas mii galgá čađahuvvot 2020:is, almmustahttindihte leat go plánat dása, dadjá Listhaug.
