Okta dievdu lea skálvvis fierran skuteriin Suolovuomi guovllus ja lea geahppasit roasmmohuvvan odne, gaskavahkku iđit.
Okta dievdu lea skálvvis fierran skuteriin Suolovuomi guovllus ja lea geahppasit roasmmohuvvan odne, gaskavahkku iđit.
Rukses Ruossa lea bargame oažžut dievddu duoddaris luotta rádjái, vai dievdu beassá viidáset doaktára lusa iskkadeapmái.
Politiija operašuvdnaguovddážis muitalit ahte leat árvvoštallame galgá go helikoptera sáddet dohko, go ii leat nu buorre dálki juste dál, muhto Rukses Ruossas galget leat doarvái rusttegat oažžut dievddu vulos duoddaris.
Dievdu lei ovttas earáiguin vuodjime skuteriin go fierai ja roasmmohuvai. Dán muitala Finnmárkku politiijaid operašuvdnaguovddáš Ávvirii.
