-Almmuhus-
-Almmuhus-
OĐĐASAT Fefo rahpá fas barttaid olbmuide

Fefo rahpá fas barttaid olbmuide

-

-

Geassemánu 1. beaivvi rájes sáhttá fas geavahit Finnmárkkuopmodaga barttaid. 

– Go mii dál rahpat iežamet barttaid, de dahkat dan njoammuneastadeami rávvagiid mielde. Láigobarttaineamet gávdnet guossit desinfiserenbiergasiid ja rávvagiid das, mo daid galgá geavahit. Rabas barttain gávdno sáibu, lohká Finnmárkkuopmodaga ráđđeaddi Ragnhild Røsseland preassadieđáhusas. 

Guossit geat balahit iežaset ožžon koronavirusa, eai galgga geavahit Finnmárkkuopmodaga barttaid.

Jus balaha iežas ožžon korona njoammuma maŋŋá orruma dahje orruma áigge, de galgá Finnmárkkuopmodahkii dieđihit vai guoskevaš barta sáhttá giddejuvvot.

– Norggas lea unnán njoammun, erenoamážit Finnmárkkus. Mii árvvoštallat dan, ahte geavahit min barttaid mielddisbuktá hui unnán njoammunvára, muhto fertet nu go earát ge váldit vuhtii dan ahte dilálašvuohta sáhttá rievdat, lohká Røsseland.

- Advertisement -
-Almmuhus-