FeFo ii guoddal meahcceduopmostuolu duomu Magnhild Reisanæna ja FeFo áššis.
FeFo ii guoddal meahcceduopmostuolu duomu Magnhild Reisanæna ja FeFo áššis.
Ášši guoská ealáhusbartašiehtadusa rievdadit bartašiehtadussan, mas lea iešheanalaš riekti láigoeatnamii ealáhuseavttuid haga.
Erenoamáš geavahanriekti
Meahcceduopmostuollu mieđihii duomus golggotmánu 21. beaivvi ahte Magnhild Reisænenis lea earenoamáš geavahanriekti opmodahkii, dnr. 19 gnr. 1 lnr. 1 Čáhcesullo gielddas, ja danne maiddái iešheanalaš riekti láigoeatnamii guoski bartii.
Stivra lei juohkásan
Stivra meannudii ášši čoahkkimis skábmamánu 15. beaivvi.
– Stivrra oaidnu galgá go guoddalit Alimusriektái lei juohkásan. Maŋŋil oppalaš árvvoštallama válljii stivra eanetlohku hilgut guoddaleami ja eanetlohku lea dalle čuovvolan meahcceduopmostuolu duomu, dadjá doaibmi stivrajođiheaddji, Mathis Nilsen Eira.
Čuvvot dárkilit sullasaš áššiid
Seammás nanne stivra ahte FeFo áigu čuovvut dárkilit sullasaš áššiid meannudeami Finnmárkkokommišuvnnas ja meahcceduopmostuolu fealtaguorahallamiin mat bohtet.
– Stivra rahpá dasa lassin ahte sáhttá šaddat áigeguovdilin geahččalit eará vejolaš, sullasaš áššiid, Alimusrievttis mearridan dihte prinsihpaid dakkár vuoigatvuođaid gáibideapmái FeFo-eatnamiin loahpalaččat, čállá FeFo preassadieđáhusastis.
