Namma: Silje Karine Muotka
Ahki: 44
Guovlu: Áltá
1. Mii lea sámi filbmarávdnjenbálvalusa namma?
– Dađi bahábut ii dát diehtu leat vuos joavdan mu rádjái. Mun ferten árvalit ja dajan sápmistream. Boastut!
Rievttes vástádus: Sapmifilm
2. Rangifer Tarandus lea latiidnasátni, muhto mii lea sátni sámegillii?
– Dat gal lea boazu. Riekta!
3. Guđe sadjái bođii «KEiiNO» joavku Eurovision Song Contestas?
– Mun doaivvun sii ledje álggos njealját sajis, ja dasto viđat sadjái. Mus lea bággu dadjat viđat sadjái. Boastut!
Rievttes vástádus: Álggos 5. sadjái, dasto šattái 6. sadjái go divvo čuoggáid.
Árvádus:
Silje Karine válljii alit ivnni, mii lea nubbin váddáseamos árváduskategoriijas, ja oažžu dákkár árvádusa:
Namut golbma iešguđet beaivvi mat bohtet maŋŋálaga, muhto it geavat beaivenamaid.
– Lea go diekkár vástádus ahte galgá dadjat guhkes vahkkoloahppa? Mun ferten vástidit guhkes
vahkkoloahppa. Boastut!
Rievttes vástádus: Ikte, odne ja ihttin.
Galle čuoggá oktiibuot: 1
– Ha-ha, mun gal fargga oaččun várra bálkkašumi dis. Heajumus oassálasti goassege. Muinna ii mana nu bures dán gilvvus oainnat! Áiggun vel dadjat ahte KEiiNO lei ankke buoremus, ja mu oainnu mielde lei de vuosttaš sadji sidjiide.
Silje Karine hástala Maren Benedicte Nystad Storslett searvat geassegilvui.
